بين ألوف الناس
لقيت نفسى لوحدى
قعدت اكتب والقلم عارف صراحتى
ساعتها .....!!
كان طيفك هناك ....
فى البحر بيداعب عنيه
وعنيك كانت موج خواطر
جت لحد الشط
شايله فى حضنها أفكار صبى
................!!
عنيه غرقت فى الورق
أما القلم . . . !!
غاص فى الكتابة
وفجأة . . .!
شئ فى البحر خد منى عينيه
موجه عاليه جايه تجرى
من وراك
قلبى ارتعد م الخوف عليك
طار الورق .... وقع القلم
صوتى انضبح
طيفك غرق .... طيفك غرق
جريت فى حضن البحر
وأنا بصرخ عشانك
وبعد ما وصلت لمكانك
ما اعرفش ايه اللى حصل
.. .. .. .. !!
بعد كام ساعة
لقيت نفسى فى أوضة صغيرة
وحبة ورق جنب السرير متبعثره
ووجوه بخاف من شكلها رغم انها
على ناس ملايكه طيبين
واحد يقولى رد دينك
والثاني يسألنى بهدوء
ليه تنتحرى .. .. !!
بره ناس على وشهم دهشه وعجب
وناس فى عيونهم للفرحه بريق
سمعاهم بيقولوا لبعضهم
فاق الغريق .. فاق الغريق
اتارينى .. .. .. !!
من خوفى عليك
وحبى ليك .. جريت فى حضن البحر
وانا ناسيه ياعمرى
ان أنا .. .. .. !!
ما اعرفشى اعوم .. .. !!
.. .. .. .. .. ..
والخاطرة دى كنت بحلم بأحب الناس لقلبى
حبيبى ...... ؟
موضوع: طيفك غرق 
18/08/08, 01:24 pm
